22. **योहानाचा जन्म**

बायबल कथा: Luke 1

पूर्वीच्या काळी देव आपल्या लोकांशी देवदूत व संदेष्टयांद्वारे बोलला. परंतु त्यानंतर 400 वर्ष तो लोकांशी बोलला नाही. अचानक एके दिवशी जखर्या नावाच्या एका वयोवृध्द याजकाकडे एक देवदूत एक संदेश घेऊन आला. जखर्या व त्याची पत्नी अलिशिबा हे धार्मिक लोक होते, पण त्यांना मुळबाळ नव्हते.

देवदूत जखर्यास म्हणाला,‘‘तुझ्या पत्नीस मुलगा होणार आहे.’’ त्याचे नाव तूम्ही योहान असे ठेवा. तो पवित्र आत्म्याने परिपूर्ण होऊन मसिहाच्या आगमनासाठी लोकांची तयारी करील !’’ जखर्याने उत्तर दिले,‘‘मी आणि माझी पत्नी आता खूप म्हातारे झालो आहोत आणि आता आम्हास मुले होउ शकत नाहीत! हे कसे शक्य आहे?’’

देवदूत जखर्यास म्हणाला,‘‘तुला ही सुवार्ता सांगण्यासाठी देवाने मला पाठविले आहे. तू माझ्या वचनावर विश्वास ठेविला नाही, म्हणून बाळाचा जन्म होईपर्यंत तू मुका होशिल. लगेच जखर्या मुका झाला. तेंव्हा देवदूत जखर्यास सोडून गेला. त्यानंतर जखर्या घरी आला आणि त्याची पत्नी गर्भवती झाली.

जेव्हा अलिशिबा ही सहा महिन्यांची गरोदर होती, तेंव्हा तोच देवदूत अलिशिबाच्या नात्यातील मरीयेस प्रकट झाला. ती कुमारी होती व योसेफ नावाच्या मनुष्याबरोबर तीचे वाग्दान झाले होते. देवदूत म्हणाला,‘‘तू गर्भवती होऊन तूला पुत्र होईल. व त्याचे नाव तू येशू ठेवशील. तो परात्पर परेमश्वराचा पुत्र असून सर्वकाळ राज्य करिल.’’

मरीया उत्तरली,‘‘हे कसे होणार, मी तर कुमारी आहे?’’ देवदूताने स्पष्ट केले,‘‘पवित्र आत्मा तुझ्यावर येईल, आणि देवाचे सामर्थ्य तुझ्यावर छाया करील. यास्तव ते बाळ पवित्र, देवाचा पुत्र असेल.’’ देवदूताने सांगितलेल्या वार्तेवर मरीयेने विश्वासू ठेविला.

देवदूताच्या भेटीनंतर लगेच मरीया आपली बहिण अलिशिबा हीस भेटण्यास गेली. मरीयेचे हे अभिवादन ऐकताच अलिशिबेच्या उदरातील बाळाने आनंदाने उडी मारली. देवाने त्यांच्यासाठी काय केले आहे हयाविषयी दोन्ही स्ति्रयांना फार आनंद झाला. अलिशिबेस भेटून तीन महिन्यानंतर मारिया आपल्या घरी परतली.

अलिशिबेने आपल्या पुत्रास जन्म दिल्यानंतर देवदूताने सांगितल्याप्रमाणे जखर्या व अलिशिबेने त्याचे नाव योहान असे ठेविले. तेंव्हा देवाने जखर्यास पुन्हा बोलण्याची अनुमति दिली. जखर्या म्हणला,‘‘परमेश्वराची स्तुती असो, कारण त्याने आपल्या लोकांचे स्मरण ठेविले आहे! तू, माझ्या पुत्रा, एक महान संदेष्टा होशिल जो आपल्या पापक्षमेची घोषणा करिशिल !’’